Бусадтай хуваалцах
Жирэмсэн болон төрсний дараах эхчүүдэд тулгардаг хамгийн том асуудал бол таргалалт, илүүдэл жингийн асуудал юм. Үүнийг жирэмсэн байх үедээ шийдвэрлэж болно.
Эмэгтэй хүн хэвлийдээ ураг олж 10 сар тээх хугацаандаа буюу жирэмсэн үедээ таргалах ёстой юу? Таргалах нь хэвийн үзэгдэл мөн үү гэсэн асуултанд АНУ-ын эмч нар олон жилийн судалгаа, шинжилгээ хийсний дүнд ийнхүү хариулж байна.
Жирэмсэн үеийн таргалалт гэж юу вэ? Ураг тээсэн эмэгтэй хүний жин байгалаасаа нэмэгдэх ёстой. Эмэгтэй хүний өөрийн жингээс гадна ургийн тээлтийн жин нэмэгдэнэ гэсэн үг. Энэ жинг мэдэхийн тулд таны эмч сар бүр зүй зохистой байх жинг тогтоож, хянаж өгнө. Харин жирэмслэлтийн саруудад байх ёстой биеийн жингээсээ хэт их байх, гар хөл, гуя өөхлөн таргалахыг жирэмсэн үеийн таргалалт гэнэ. Жирэмсэн үед хэт их таргалсан бол төрсний дараа хэвийн жиндээ эргэж ороход тун хэцүү байдаг. Мөн жирэмсэн үед буруу хооллосноос таргалахаас гадна төрсний дараа хэт огцом таргалах үзэгдэл ажиглагддаг.
Эмэгтэй хүн жирэмслэснээр өөрөөсөө гадна дахин нэг хүний өмнөөс хооллох хэрэг гардаг. Жирэмсэн эхэд илүү их уураг, олон төрлийн амин дэм, эрдэс бодис жишээлбэл фолийн хүчил, төмөр, калци шаардлагатай болдог төдийгүй эрч хүч, энергийг хангаж, сэлбэхийн тулд энгийн үеэс илүү их илчлэг – калори шаардлагатай болдог. Ингэлээ гээд нэг дор хоёр хүний хоолны порцоор хүссэн хоол хүнсийг идэх нь маш буруу. Их уураг, тэжээлтэй гэсэн бүрийг хамаа намаагүй идэж, ууж болохгүй бөгөөд энэ нь сөрөг муу талтай байх нь ч бий. Үүнээс үүдэн жирэмсэн үеийн болон төрсний дараах таргалалт, арьс язралт, хүүхэд гиадиз болон тархны даралт зэрэг аливаа өвчин, эмгэгтэй төрөх, төрөх үеийн хүндрэл зэрэг олон асуудлууд урган гардаг.
Үүнээс сэргийлэхийн тулд эмчийнхээ заавар зөвлөгөөнөөс гадна олон улсад зөвшөөрөгдөөд байгаа жирэмсэн үеийн дэглэм, зөв хооллолтыг ягштал мөрдөхөд л хангалттай бөгөөд бүсгүй та бяцхан үрээ тээж төрүүлэхдээ таргалалтаас айх хэрэггүй болно.
Жирэмсэн үед илүү их уураг, тэжээлийг бие мах бод цаанаасаа л шаарддаг. Тэглээ гээд энгийн үед иддэг хоолныхоо порцыг нэмж идэх, эсвэл би л нэг жирэмсэн, бие давхар хүн гэж хүссэн болгоноо иддэг зуршил хамгийн буруу. Тэжээл ихтэй хоол ид гэснээс биш их ид гэсэн үг биш гэдгийг сайтар ойлгох хэрэгтэй. Үүний оронд энгийн үед иддэг хоол, хүнсэндээрээ зохимжтой каллори, амин дэм, тэжээлийг нэмж идэхэд л хангалттай.
Жишээ нь жирэмслээгүй, эрүүл чийрэг эмэгтэй хүн 19-30 насны хооронд бол өдөрт 2400-2600 кл калори шаардлагай, 31-ээс дээш настай бол 2200-2400кл калори шаардлагатай байдаг байна. Харин жирэмсэлсний эхний 3 сард өдөр тутам авах ёстой калори дээрээ нэмж 150-200кл калори авах ёстой, хоёрдугаар 3 сар буюу 4,5,6 сартайдаа өдөрт 300кл калори, харин 7,8,9 сартайдаа 450кл калори авах ёстой аж. Эдгээр нэмэлт калорыг илчлэг, тэжээл ихтэй эрүүл хоол хүнсээр зөв хооллож авснаар та өөртөө болон хүүхэддээ шаардлагатай тэжээлийг зүй зохистой хувиарлаж өгснөөр илүүдэл жин, таргалалт элдэв өвчлөлтгүйгээр амаржих бүрэн боломжтой.
Ингэхийн тулд дээрх зөвлөгөөн дээр үндэслэн өөрийн биеийн жингээс хамаарч, эмчтэйгээ ярилцсаны дүнд өдөрт авах калорын хэмжээгээ тогтоож зөв хооллож эхлээрэй.
Жирэмсэн үед жин нэмэхээс сэргийлэх хоол хүнс:
Шарсан, хуурсан, хайрсан, өөх тос ихтэй хурц, олон төрлийн амтлагчтай хоолноос татгалзах хэрэгтэй.
Мэдээж тамхи, алкохолны төрлийн зүйл хэрэглэхээс бүрэн татгалзах
Шарсан төмс, чипс, попкорн идвэл эх, хүүхэд хоёрын алинд ч жинхэнэ уураг, тэжээл болж чадахгүй.
Хийжүүлсэн ундаа эхийн биеийг цэрийлгэж, хавагнуулах ялангуяа ургийн ясны хөгжлийг сийрэгжүүлэх аюултай.
Даршилсан жимс, ногоо, лаазалсан хүнс, махнаас болгоомжлоорой.
Байгалийн бус үйлдвэрийн аргаар хийсэн чихэрлэг жимсний шүүс, ундаа, зайрмаг, чихэрний төрлийн хүнс их хэрэглэвэл эх хүүхдийн цусан дах сахарын хэмжээ ихэсч, эх төрсний дараа, хөхүүл үедээ таргалах, хэвийн жиндээ эргэж орж чадахгүй байх, хүүхэд чихрийн шижингээр өвчлөх магадлал өндөр болдог.
Орчин үеийн жирэмсэн эхчүүдийн таргалалтын үндсэн шалтгааны нэг бол түргэн хоол, захиалгын хоолууд гэдгийг эмч, эрдэмтэд онцлож байна. Хачиртай талх – бургер, хотдог, зайдас, шарсан тахиа, гахайн мах, пицца, шарсан төмс зэрэг нь урагт ямар ч шим тэжээл болж очихгүй атлаа эхийг таргалуулж, цусны эргэлтийг удаашруулж, нэг ёсний зүгээр л хөөлгөж орхидог байна. Тиймээс жирэмсэн үедээ түргэн хоол, захиалгын хоолноос аль болох татгалзаарай.
Мөн төрсний дараа хөхөнд сүү сайн оруулдаг гэсэн буруу ойлголтоос үүдэн цагаан гурил, дээд болон нэг дүгээр гурил, гурилан бүтээгдэхүүн, талх, нарийн боов их хэрэглэдэг нь хамгийн буруу ажээ. Дээд зэргээр боловсруулсан цагаан гурил, будаа нь цардуул, цавуулаг ихтэй учраас уураг, тэжээл болохын оронд эхийн биеийг зүгээр л хөөлгөж орхидог. Энэ нь таргалалтын үндсэн шалтгаан болох нь бий.
Харин үүнийг зохицуулах хамгийн энгийн хүнс бол бүхэл үр тариан бүтээгдэхүүн буюу арвай буудайн гурил, бор гурил, хөц будаа, гурвалжин будаа, овьёос, амуу тариа зэргийг хүнсэндээ өргөн хэрэглэж заншсанаар эх болон хүүхдэд шаардлагатай уураг тэжээлийг шууд биенд хүлээн авдаг байна. Эдгээр хүнс нь илүүдэл жин үүсгэх ямар ч нөлөөгүй. Харин ч цус цэвэрлэх, хоол боловсруулах тогтолцоог сайжруулж ураг болон эхэд шаардлагатай эрдэс бодисыг түгээж, хүүхдийн өсөлт, оюун ухааны хөгжилд нэн сайн байдаг байна.
Махан хэрэглээний хувьд түүхий болон дутуу болгосон бүх төрлийн мах, хиам, зайдас, махан бүтээгдэхүүнээс татгалзах хэрэгтэй. Энэ нь халдвар авах хамгийн эрсдэлтэй нөхцөл болдог. Мах гэлтгүй түүхий, дутуу боловсорсон цагаан идээ, сүү – сүүн бүтээгдэхүүн, жимс ногооноос татгалзаж бүрэн чанаж боловсруулж идэх хэрэгтэй.
Жирэмсэн үеийн таргалах бас нэгэн чухал шалтгаан бол эхийн сэтгэл санааны байдал тайван бус байдал аж.
Үргэлж эмзэглэж, уурлаж, бухимддаг бол ургийн эрүүл мэнд, өсөлт хөгжилд сөргөөс гадна биед орсон уураг тэжээл нь сэтгэл санааны байдлаас хамаарч зүй зохистой хувиарлагдаж чадахгүй илүүдэл калори – жин болон хувирдаг байна.
Бүсгүй та жирэмсэн үедээ таргалахгүйн тулд дээрх ерөнхий зөвлөгөөг дагаж хооллохоос гадна өдөр тутмын хүнсэндээ химийн хольцгүй үйлдвэрлэсэн байгалийн органик гаралтай хүнс – эрүүл, шинэхэн хүнсний ногоо /үүнд майлз, өргөст хэмх, лууван, байцаа, брокколи, ногоон сонгино, чинжүү, салат навч, бууцай гэх мэт/, жимс жимсгэнэ /үүнд байгалиар нь бордсон хүчиллэггүй жимс орно/, бүхэл үрийн гурил, будаа, шинэхэн хонь, үхэр, тахиан махыг бүрэн боловсруулж хоол хүнс хийж идэхээс гадна нэмэлт тэжээл, амин дэм, эрдэс бодисыг хэрэглээрэй.
Жирэмсэн үед хэт их жин нэмэхээс сэргийлэх МОМ БАГЦын талаар мэдээлэл авах бол энд дарна уу.
“Бидний мэдэх BHK's Mama Probiotic powder нь шинжлэх ухаанд суурилсан, олон улсын судалгаанд дэмжигдсэн штаммууд дээр тулгуурласан ба жирэмсэн болон хөхүүл үед хэрэглэсэн туршилтуудын үр дүнд эх болон нярайн дархлаа дэмжих, халдварын эрсдэл багасах, экземийн эрсдэл буурах зэрэг олон ашиг тустай болох нь нотлогдсон юм. Мөн систематик тоймууд нь пробиотик хэрэглээ нь аюулгүй байдалтай байгааг харуулж байна.”Жирэмсэн эхэд болон урагт, нярайд ПРОБИОТИК ХЭРЭГЛЭХ НЬ ямар давуу талтай талаар дараах судлагаануудыг жишээ болгон орууллаа. Пробиотикийн аюулгүй байдал “Are Probiotics and Prebiotics Safe for Use during Pregnancy and Lactation? A Systematic Review and Meta-Analysis” судалгаанд (Nutrients, 2021) пробиотик болон пребиотик бүтээгдэхүүнүүд жирэмсэн, хөхүүл үед сөрөг нөлөө үзүүлдэггүй гэж дүгнэсэн. MDPIЖирэмсэн эхийн гэдэсний бичил орчны өөрчлөлтЭнэ судалгаанд жирэмсэн эмэгтэйчүүдэд Bifidobacterium longum болон Streptococcus thermophilus-ыг уухад тэдний гэдэсний бичил орчин (microbiome) болон метаболик замууд (жинхэн KEGG анализ ашиглан) “эрүүл” байдлын талаас өөрчлөлт гарсан байна. PubMedХүүхдэд экземийн эрсдэл бууруулахLactobacillus rhamnosus GG-ийг жирэмсэн болон хөхүүл үед хэрэглэсэн судалгаанд хүүхдэд атопи (екзема) үүсэх эрсдэл багасах боломжтойг харуулсан жишээ бий. SpringerLinkУргийн болон нярайн халдвараас хамгаалах180 жирэмсэн эмэгтэйд хийсэн RCT-д L. rhamnosus Rosell-11 болон Bifidobacterium bifidum HA-132 хэрэглэсэн бүлэгт халдварын давтамж багасах, мөн нярайн гэдэсний бичил орчинд эерэг өөрчлөлт гарсан гэсэн үр дүн байна. PubMedУргийн асуудал ба үр дүнЖирэмсэн, таргалалтай (“overweight or obese”) эмэгтэйчүүдийн дунд хийсэн мета-анализ судалгаанд, Lactobacillus + Bifidobacterium-ийн хослол нь “ургийн хэт жин багатай төрөлт (SGA)”-ын эрсдэлийг тодорхой хэмжээгээр багасгах боломжтой гэж дүгнэсэн. SpringerLinkСэтгэл зүйн дэмжлэгПробиотик хэрэглээ нь жирэмсний үеэс эхлэн ээжүүдийн сэтгэл түгшил, стрессыг бууруулахад дэмжлэг үзүүлдэг гэсэн RCT-уудын систематик тойм байдаг. Frontiers
2025 онд Тайваны тэргүүлэгч эрүүл мэндийн нэмэлт бүтээгдэхүүн үйлдвэрлэгч BHK’s компанийн эмэгтэйчүүдийн эрүүл мэндийг дэмжих зориулалттай Crimson Cranberry Probiotic бүтээгдэхүүн олон улсын нэр хүнд бүхий Monde Selection 2025 шалгаруулалтад “Gold Award” буюу Алтан шагнал хүртлээ.Энэхүү шагнал нь бүтээгдэхүүний найрлага, аюулгүй байдал, хэрэглээний үр дүн болон амт чанарыг үндэслэн мэргэжлийн шинжээчдийн нарийн шалгуураар тодруулдаг бөгөөд BHK’s-ийн бүтээгдэхүүн дэлхийн стандартын хэмжээнд хүрсэн гэдгийг баталж байна.Crimson Cranberry Probiotic нь цангис жимсний ханд, пробиотик бактери, D-манноз зэрэг идэвхтэй найрлагуудаараа эмэгтэйчүүдийн давсаг, шээсний замын эрүүл мэндийг дэмжих, эрүүл микробиом тэнцвэржүүлэх зориулалттайгаар бүтээгдсэн. Уг бүтээгдэхүүн нь байгалийн гаралтай, хадгалах бодис агуулаагүй, өндөр био идэвхитэй найрлагатайгаараа онцлог бөгөөд хэрэглэгчдийн үр дүнтэй хэрэглээг мэргэжлийн шүүгчид өндрөөр үнэлжээ.BHK’s брэнд нь олон улсын GMP болон ISO стандартад нийцсэн үйлдвэрлэлийн процессыг мөрдөж, чанартай, аюулгүй, хэрэглэгчийн хэрэгцээнд нийцсэн бүтээгдэхүүн үйлдвэрлэдэг гэдгээрээ нэр хүндтэй.Энэхүү шагнал нь BHK’s компанийн эрүүл мэндийн инновацид чиглэсэн хичээл зүтгэл, бүтээгдэхүүний чанар, хэрэглэгчийн хэрэгцээг үнэлэх олон улсын хүлээн зөвшөөрөл болж байна.
🤰 Жирэмсний эхний 1–3 сар бол ээж болон хүүхдийн хувьд хамгийн чухал үеүүдийн нэг байдаг. Энэ үед ээжийн биед олон янз өөрчлөлт гардаг. Гол өөрчлөлтүүдийг товчоор тайлбарлая:🤰 1. Дааврын өөрчлөлт✅ Хүний хорионик гонадотропин (hCG), прогестерон, эстроген даавруудын түвшин огцом нэмэгдэнэ. ✅ Энэ нь жирэмсний шинж тэмдгүүдийг (дотор муухайрах, бөөлжих, сульдах, сэтгэл санааны өөрчлөлт) үүсгэдэг.💧 2. Хоолны дуршил өөрчлөгдөх✅ Хоолонд дургүй болох эсвэл зарим хүнсийг маш ихээр хүсэх. ✅ Үнэрт мэдрэг болох, гашуун эсвэл чихэрлэг амтыг илүү мэдэрнэ.🧠 3. Сэтгэл санааны хэлбэлзэл✅ Сэтгэл тогтворгүй болж, амархан уйлах, баярлах, цухалдах магадлалтай. ✅ Энэ нь дааврын хэлбэлзэл болон бие махбод дахь өөрчлөлттэй холбоотой.💤 4. Ядарч сульдах, нойрмоглох✅ Бие махбод шинэ амьдралыг дэмжихээр их энерги зарцуулж эхэлнэ. ✅ Амархан сульдаж, өдөр унтах хүсэлтэй болдог.🤢 5. Дотор муухайрах, бөөлжих (Өглөөний өвчин)✅ Ихэвчлэн 6–8 дахь долоо хоногоос илэрч эхэлнэ. ✅ Өглөөний өвчин гэж нэрлэдэг ч өдрийн аль ч үед илэрч болно.💧 6. Хөхний өөрчлөлт✅ Хөх томорч, илүү эмзэг болж өвддөг. ✅ Хөхний толгой бараантаж, жижиг булчирхайнууд илүү тодорно.🧻 7. Ойр ойрхон шээх хэрэгцээ✅ Умай томорч эхэлснээр давсаг дарагдана. ✅ Бөөрний үйл ажиллагаа эрчимжиж, ойр ойрхон шээх шаардлагатай болдог.⚖️ 8. Жин бага зэрэг нэмэгдэх эсвэл турах✅ Хоолны дуршил өөрчлөгдсөнөөс жин хэлбэлзэх нь элбэг. ✅ Зарим ээжүүд эхний сард бага зэрэг турах ч боломжтой.🧬 9. Дархлаа суларч болзошгүй✅ Бие махбод ургийг гадны биет гэж үзэхээс сэргийлж дархлааны үйл ажиллагааг багасгадаг. ✅ Үүнээс болж амархан ханиад хүрэх, халдвар авах магадлалтай.💡 Зөвлөмж:🧘♀️ Сайн амарч, бага багаар олон удаа шим тэжээлтэй хоол идэх💧 Хангалттай шингэн уух🩺 Төрөхийн өмнөх үзлэгт цаг тухайд нь хамрагдахBHK's 1-3 сартай ээжүүдийн багц хэрэглэх
BHK’s Mama DHA бүтээгдэхүүн Monde Selection-ын “Grand Gold” шагнал хүртлээ.2025 онд — Тайваны алдартай хүнсний нэмэлт бүтээгдэхүүний үйлдвэрлэгч BHK’s компанийн жирэмсэн болон хөхүүл эхчүүдэд зориулсан Mama DHA бүтээгдэхүүн олон улсын нэр хүндтэй Monde Selection 2025 шалгаруулалтад “Grand Gold Award” буюу Дээд Алтан шагнал хүртлээ.Monde Selection нь 1961 оноос хойш Бельгид төвтэй, хүнсний бүтээгдэхүүн, гоо сайхан, эрүүл мэндийн нэмэлтүүд зэрэг өргөн хүрээний бүтээгдэхүүнийг чанар, аюулгүй байдал, найрлага болон хэрэглэгчдийн сэтгэл ханамжийн үндсэн дээр шалгаруулдаг дэлхийн хамгийн нэр хүндтэй байгууллагуудын нэг юм.Mama DHA нь жирэмсэн болон хөхүүл эхчүүдэд шаардлагатай Омега-3 тосны хүчлүүд, ялангуяа DHA-г өндөр тунгаар агуулсан, ургийн тархины хөгжил, эхийн эрүүл мэндийг дэмжих зорилготойгоор үйлдвэрлэгддэг. Энэхүү бүтээгдэхүүн нь чанарын өндөр шалгуур, байгалийн гаралтай түүхий эд, аюулгүй найрлагаараа олон улсын мэргэжилтнүүдийн өндөр үнэлгээг хүлээсэн нь энэхүү шагналаар батлагдаж байна.BHK’s брэнд нь эрүүл мэндийн нэмэлт бүтээгдэхүүний салбарт хэрэглэгчдийн итгэлийг хүлээсэн, олон улсын стандарт хангасан бүтээгдэхүүн үйлдвэрлэж, дэлхийн зах зээлд амжилттай байр сууриа бэхжүүлсээр байна.
